kertasníkir

Þrettándi var Kertasníkir,
-þá var tíðin köld,
ef ekki kom hann síðastur
á aðfangadagskvöld.

Hann elti litlu börnin,
sem brostu glöð og fín,
og trítluðu um bæinn
með tólgarkertin sín.

-- Gleðileg jól! --

ketkrókur

Ketkrókur, sá tólfti,
kunni á ýmsu lag. -
Hann þrammaði í sveitina
á Þorláksmessudag.

Hann krækti sér í tutlu,
þegar kostur var á.
En stundum reyndist stuttur
stauturinn hans þá.

Aftur hófst dagurinn á smákökubakstri, hálfmánum í þetta sinn. Ég tók smá hlé á bakstrinum til að fara í Þorláksmessuskötu til Gunnu og Summa. Skatan var ósköp góð í ár, alla vega var afi sáttur og þá er hún örugglega nógu vel kæst ;) Við Sigurður höfum verið fyrir norðan síðustu tvö ár svo það hafa verið skötulaus ár svo skatan bragðaðist enn betur fyrir vikið (eða enn verr í Sigurðar tilviki ;) ). Svo lauk ég smákökubakstrinum og við komumst í sundið seint og um síðir til að skola af okkur skötulyktina. Þá var pabbi í óða önn við að sjóða upp á hangikjötinu og þar með fylla húsið af annarri lykt en skötulykt... Næst á dagskrá er að pakka inn nokkrum gjöfum og kannski að kíkja niður í bæ, við Sigurður eigum víst að finna eitthvað handa okkur sjálfum frá ömmum hans - svona erum við mikið vandræðafólk ;)

gáttaþefur

Ellefti var Gáttaþefur,
- aldrei fékk sá kvef,
og hafði þó svo hlálegt
og heljarstórt nef.

Hann ilm af laufabrauði
upp á heiðar fann,
og léttur, eins og reykur,
á lyktina rann.

Dagurinn hófst á gyðingakökubakstri. Grey Sigurður var virkjaður í að pensla kökurnar með eggi og strá með perlusykri og hökkuðum möndlum, en hann var alveg sáttur þegar hann fékk að njóta afrakstursins ;) Við komumst loksins í sund sem var auðvitað dýrðarinnar dásemd eins og venjulega. Svo var skrölt í aðeins meira jólasveinastúss og ná í hangilærið ljúfa frá tengdó, heim til eðalhjónanna Ingu Dóru og Símonar. Það jafnast ekkert á við heimareykt hangiket! Deginum lauk með ofurlítið meiri smákökum, þ.e. Sigurður skellti í lakkrístoppa (slúúúrrp!) og ég bjó til deig í ömmuhálfmána.

gluggagægir

Tíundi var Gluggagægir,
grályndur mann,
sem laumaðist á skjáinn
og leit inn um hann.

Ef eitthvað var þar inni
álitlegt að sjá,
hann oftast nær seinna
í það reyndi að ná.

Jólasveinasnatt út um borg og bí lýsir deginum vel. Við komumst ekki einu sinni í sund (agalegt!) en því var fórnað fyrir smá heimsókn í Sigtúnið til afa og ömmu og ekki hægt að sjá eftir því. Ég fór líka og hitti vinkonurnar úr MH á Frú Berglaugu sem var voða kósí og æðislegt að hitta allar stelpurnar aftur :) Það eru barasta mörg ár síðan við hittumst síðast allar í einu og löngu kominn tími á endurfundi. Þar gafst gott tækifæri til að dreifa jólakortum ársins, þ.e. prjónuðum jólakúlum fylltum með vatti. Við komumst að því að kúlurnar má nota til ýmislegs annars en að hengja upp á jólatré, þær virkuðu t.d. sem ágætis stressbolti ;)

bjúgnakrækir

Níundi var Bjúgnakrækir,
brögðóttur og snar.
Hann hentist upp í rjáfrin
og hnuplaði þar.

Á eldhúsbita sat hann
í sóti og reyk
og át þar hangið bjúga,
sem engan sveik.

Við flugum heim á leið (hitt heim, sko) án tiltakanlegra seinkana, í fyrsta skipti í langan tíma - víhú! Reyndar stóðum við úti á strætóstoppistöð og horfðum á vagninn koma þegar ég mundi að, úbbsasí, íslenska sim-kortið mitt lá ennþá í náttborðsskúffunni. Það var ekki annað að gera en fá lykilinn hjá Sigurði, hlaupa í spretti til baka og ná í kortið og bruna svo til baka aftur. Næsti vagn var akkúrat að renna að þegar ég kom skeiðandi svo ég gat viefað í Sigurð að hann mætti endilega stoppa vagninn, ég væri aaaalveg að koma. Þrátt fyrir þetta náðum við lestinni í tæka tíð og allt gekk eins og smurt eftir þessa brösulegu byrjun. Og það var náttúrlega ekkert annað en yndislegt að koma heim í snjó og faðm fjölskyldunnar og fá ógurlega góðan grillaðan silung að borða og drekka íslenskt vatn með :)

skyrjarmur

Skyrjarmur, sá áttundi,
var skelfilegt naut.
Hann hlemminn o´n af sánum
með hnefanum braut.

Svo hámaði hann í sig
og yfir matnum gein,
unz stóð hann á blístri
og stundi og hrein.

Eldhúsið er fullt af hrærivél! Við sem sé keyptum okkur hrærivél fyrir tæpum tveim vikum síðan. Hún kom til Málmeyjar fyrir viku síðan en pósturinn þurfti að sortera pakkann einum 6 sinnum (var víst vitlaust merktur af vefsölunni og svo var hann þar að auki 3.7 kg umfram 20 kílóin). Síðan leið og beið og ekkert gerðist síðan á fimmtudag. Sigurður ákvað að kíkja út í póstafgreiðslu í kvöld og viti menn, kassinn var kominn, það hafði bara gleymst að skanna hann inn í kerfið... Þetta átti greinilega ekki að ganga ;) En inn í eldhús komst hann fyrir rest og þegar innihaldið tíndist úr honum smátt og smátt fór Sigurður að æja og óa, þetta tók allt svo mikið pláss! Ég ætla mér samt að halda því fram að það sé ekki hrærivélin og fylgihlutirnir sem séu stórir og plássfrekir - eldhúsið er náttúrlega lítið ;)

hurðaskellir

Sjöundi var Hurðaskellir,
- sá var nokkuð klúr,
ef fólkið vildi í rökkrinu
fá sér vænan dúr.

Hann var ekki sérlega
hnugginn yfir því,
þó harkalega marraði
hjörunum í.

Jólasveinarnir virðast koma í þrenndum þetta árið. Eða ég man bara eftir þeim þriðja hvern dag ;) Ég mundi reyndar eftir Askasleiki í gær, en því miður var ég ekki í nánd við tölvu á því augnabliki (n.t.t. sitjandi í strætó). Útidyrahurðin skelltist nokkrum sinnum í dag í tilefni komu Hurðaskellis, eða þess að Sigurður skúraði og bónaði gólfið á hæla mín og ryksugunnar í gær. Við loftuðum hraustlega út í gær, en bónlyktin var ennþá svo sterk í morgun að ég ákvað að opna út á svalir og stóra stofugluggann og útidyrahurðina. Sigurði leist ekkert á þessa tilraun mína til að breyta íbúðinni í ísskáp og flúði út í búð að kaupa sér mjólk með morgunmatnum... Dagurinn hefur annars liðið í ýmsu jólastússi heima við og aðventukertin fjögur eru brunnin langleiðina niður í botn. Það snjóaði meira að segja það mikið í dag að snjórinn festist á jörðinni í fyrsta skipti þennan veturinn. Á morgun er það síðasti vinnudagurinn fyrir jólafrí - jibbí! :)

askasleikir

Sá sjötti, Askasleikir,
var alveg dæmalaus. -
Hann fram undan rúmunum
rak sinn ljóta haus.

Þegar fólkið setti askana
fyrir kött og hund,
hann slunginn var að ná þeim
og sleikja á ýmsa lund.

pottaskefill

Sá fimmti, Pottaskefill,
var skrítið kuldastrá.
- Þegar börnin fengu skófir
hann barði dyrnar á.

Þau ruku upp, til að gá að
hvort gestur væri á ferð.
Þá flýtti' ann sér að pottinum
og fékk sér góðan verð.

þvörusleikir

Sá fjórði, Þvörusleikir,
var fjarskalega mjór.
Og ósköp varð hann glaður,
þegar eldabuskan fór.

Þá þaut hann eins og elding
og þvöruna greip,
og hélt með báðum höndum,
því hún var stundum sleip.

Það er heldur mikið að gera þessa dagana. Virðist ekki vera tími til nokkurs annars en sofa, borða, vinna/læra ... og sinna öllum tómstundunum ;) Kóræfingar, badminton og -skipulag, saumó og alls kyns jólastúss hafa hertekið dagana þessa vikuna. En í næstu viku er bara einn vinnudagur og svo jólafríííí! :D

stúfur

Stúfur hét sá þriðji
stubburinn sá.
Hann krækti sér í pönnu,
þegar kostur var á.

Hann hljóp með hana í burtu
og hirti agnirnar,
sem brunnu stundum fastar
við barminn hér og þar.

Tjah, þegar maður er farinn að gleyma uppáhaldsjólasveininum sínum, þá er ástandið orðið æði alvarlegt. Barasta aðeins of mikið að gera, sjáið þið til...

stekkjastaur

Stekkjastaur kom fyrstur,
stinnur eins og tré.
Hann laumaðist í fjárhúsin
og lék á bóndans fé.

Hann vildi sjúga ærnar,
- þá var þeim ekki um sel,
því greyið hafði staurfætur,
- það gekk nú ekki vel.

Jæja, þótt ég hafi ekki bloggað neitt síðan jólasveinarnir tíndust inn í fyrra, þá er ekki annað hægt en að hleypa þessum elskum að á nýjan leik ;) Mér finnst óttalega lítið að frétta héðan, en væntanlega er það heilmikið þar sem ég hef ekki bloggað í heilt ár... Lífið gengur sinn vana gang með námi/starfi, kórsöng, badmintonspili, handavinnu og hversdagslegu sýsli. Jú, reyndar smávegis jóla jóla í bland þessa dagana :) Aðventukertin hafa verið tendruð samviskusamlega í morgunhádegismatnum síðustu þrjá sunnudaga, 105 súkkulaðibitakökur voru bakaðar fyrir rúmri viku síðan (nokkur stykki ennþá til, þrátt fyrir góðar útrýmingartilraunir af hálfu Sigurðar), jólagjafirnar eru langflestar ákveðnar og tilbúnar eftir því sem hægt er og jólatrjákrílið er alveg að fara að komast upp á sinn koll. Allt á réttri leið.

kertasníkir

Þrettándi var Kertasníkir,
-þá var tíðin köld,
ef ekki kom hann síðastur
á aðfangadagskvöld.

Hann elti litlu börnin,
sem brostu glöð og fín,
og trítluðu um bæinn
með tólgarkertin sín.

-- Gleðileg jól! --

ketkrókur

Ketkrókur, sá tólfti,
kunni á ýmsu lag. -
Hann þrammaði í sveitina
á Þorláksmessudag.

Hann krækti sér í tutlu,
þegar kostur var á.
En stundum reyndist stuttur
stauturinn hans þá.

Þetta er búinn að vera ansi annasamur dagur, a.m.k. miðað við heimsókn hjá ömmu á Akureyri. Við Inga komum jólatrénu upp og skreyttum það, ég skellti mér í Bónus og Blómaval með ömmu (sem tekur náttúrlega um þrefalt til fimmfalt lengri tíma en venjulega því amma er amma og þar fyrir utan hitti hún frænku okkar og þá er amma líka amma og hefur gaman af að rabba lengi lengi - jafnvel þótt það sé t.d. ís og frostpinnar í skottinu á bílnum... ;) ) og svo brunaði ég í bæinn til að kaupa allra síðustu jólagjafirnar sem nást fyrir jól (jú jú, það verða 1-2 eftir-jólagjafir í ár). Bráðlega mun ég svo bruna áfram austur á bóginn í Ærlæk í Öxarfirði til Sigurðar míns og fjölskyldu. Yfir og út!

gáttaþefur

Ellefti var Gáttaþefur,
- aldrei fékk sá kvef,
og hafði þó svo hlálegt
og heljarstórt nef.

Hann ilm af laufabrauði
upp á heiðar fann,
og léttur, eins og reykur,
á lyktina rann.

gluggagægir

Tíundi var Gluggagægir,
grályndur mann,
sem laumaðist á skjáinn
og leit inn um hann.

Ef eitthvað var þar inni
álitlegt að sjá,
hann oftast nær seinna
í það reyndi að ná.

Aumingja amma fékk ælupest í nótt og líður ósköp illa í dag, þótt hún sé hitalaus. Ósköp leitt :( Við Inga virðumst hafa sloppið hingað til (krossa putta!) Við skelltum okkur tvær í sund í morgun og ég tók þátt í sundleikfiminni fyrir ömmu. Við vorum bara þrjár, enda hefur snjórinn bara aukist. Risaskaflar og ruðningar upp um allt. Stuð að vera krakki á Akureyri núna ;) Við Inga ætlum að fá okkur bæjarrölt og sjá hvort einhverjar fleiri jólagjafir rati ofan í poka.

bjúgnakrækir

Níundi var Bjúgnakrækir,
brögðóttur og snar.
Hann hentist upp í rjáfrin
og hnuplaði þar.

Á eldhúsbita sat hann
í sóti og reyk
og át þar hangið bjúga,
sem engan sveik.

Við Inga frænka sváfum út í morgun meðan amma skellti sér í sund og sundleikfimi eins og venjulega. Þær voru þó bara þrjár í leikfiminni, snjór og jólastúss virðist halda mörgum heima. Við Inga fórum í sund eftir síðbúinn morgunmat, með viðkomu á pósthúsinu þar sem ég kom jólakortum í póst á síðasta degi til að senda kort innanlands, hvað annað ;) Sundið var yyyyyndislegt. Best í heimi :) Svo stússuðumst við Inga ýmislegt fleira, kíktum í bæinn þar sem ég fór í jólaklippinguna, litum við í Ásabyggðinni og komum svo við í Hrísalundi til að kaupa fisk í matinn. Það er alltaf svo notalegt hjá ömmu á Akureyri :)

skyrjarmur

Skyrjarmur, sá áttundi,
var skelfilegt naut.
Hann hlemminn o´n af sánum
með hnefanum braut.

Svo hámaði hann í sig
og yfir matnum gein,
unz stóð hann á blístri
og stundi og hrein.

Flugið okkar var 8 klst of seint. IcelandExpress eru sem sé bara með eina flugvél í notkun milli Köben og Íslands. Vélin átti að fara Keflavík->Köben->Akureyri->Köben->Keflavík á einum degi - hefja flug frá Keflavík 07:00 að morgni og stoppa í 50 mínútur á hverjum flugvelli milli fluga. Vélin lagði ekki af stað fyrr en 14:57 frá Keflavík... Þessi seinkun virðist svo bara vinda upp á sig því þessi flugvél er í dag (21. des.) orðin 14 og hálfum tíma of sein. Bjarnheiður átti flug með IE frá Berlín sem átti að lenda rétt eftir miðnætti en er nú áætluð 17:20 til Keflavíkur - 17 tíma seinkun! Þetta er snargalið.

hurðaskellir

Sjöundi var Hurðaskellir,
- sá var nokkuð klúr,
ef fólkið vildi í rökkrinu
fá sér vænan dúr.

Hann var ekki sérlega
hnugginn yfir því,
þó harkalega marraði
hjörunum í.

Dagurinn í dag fór nær allur í jólasveinaleiðangur hingað og þangað um bæinn. Við höfðum ýmislegt upp úr krafsinu en best að segja sem minnst um það ;) Svo var að redda hinu og þessu á síðustu mínútu og pakka. Ég byrjaði ekki á því fyrr en rétt fyrir tíu. Úbbs. Þegar töskugarmurinn var fullur mundi ég svo eftir hvers vegna ég þarf að endurnýja hann - stöngin til að draga töskuna er föst niðri og haldið orðið grunsamlega laust. Meira úbbs. Nú er að nálgast miðnætti svo það er hætt við að ég verði ansi lúin í fyrramálið. Aðeins meira úbbs. En tjah, þetta reddast ;)

askasleikir

Sá sjötti, Askasleikir,
var alveg dæmalaus. -
Hann fram undan rúmunum
rak sinn ljóta haus.

Þegar fólkið setti askana
fyrir kött og hund,
hann slunginn var að ná þeim
og sleikja á ýmsa lund.

Askasleikir sleppur inn á réttum degi miðað við íslenskan tíma ;) Dagurinn er búinn að vera svooolítið þéttpakkaður: Þvottatími kl. 7 í morgun, mjög áhugaverður fyrirlestur kl 9:15, jólaglögg og nemendakynningar í framhaldi af því, útbúa mitt eigið kennsluyfirlit ársins, hádegismatur, doktorsvörn Jonasar, maraþon tiltekt á skrifborðinu mínu og ákvarðanataka um hvað ég þyrfti að taka með heim, slembin strætóferð heim (strætó kemur bara þegar hann kemur þessa snjóþungu daga), fataskipti í einum hvelli, slembin strætóferð niður í bæ í veisluna hans Jonasar, heimferð um tíu, símtal í foreldrahús, síðustu umferðir á ungbarnateppinu handa krílinu hennar Hönnu, frágangur, skolun, hárnæringarbleytir, skolun og útbreiðsla teppisins til þerris, rabb við Bjarnheiði systur, jólasveinn dagsins. Sofa. Jólasveinaleiðangur niður í bæ á morgun.