myrk Sinfó

Tónleikar á Myrkum músíkdögum
í Háskólabíói, fimmtudaginn 9. febrúar kl. 19.30

Hljómsveitarstjóri: Rumon Gamba
Einleikari: Auður Hafsteinsdóttir, Bryndís Halla Gylfadóttir og Örn Magnússon

Haraldur Vignir Sveinbjörnsson: Sjö byltur svefnleysingjans (2003)
1. Tögl og haldir
2. Svefnrofar
3. Örvæntingardans
4. Vögguvísa
5. Byltur
6. Eftirleikur
7. Órökréttlæti

Þorkell Sigurbjörnsson: Þrenjar (1984)

Hlé

Eiríkur Árni Sigtryggsson: Sjöstirni (2002)
-frumflutningur

Þorsteinn Hauksson: Sinfónía eitt (2002/2005)
-frumflutningur-
I
II
III

Þetta voru bráðskemmtilegir tónleikar! Og alveg hreint grátlegt hversu fáir tónleikagestirnir voru :( Sinfó tekst að fylla eða næstum fylla stóra salinn þegar hún leikur verk eftir einhverja útlendinga, en þegar eingöngu íslensk verk eru á efnisskránni þá er eins og fólk haldi að það muni barasta deyja úr leiðindum! En mér líkaði svo vel við verkin að ég get varla gert upp á milli þeirra. Held samt að fyrsta og síðasta verkið skríði fram úr hinum. Þá var alveg hreint frábært að áður en hvert verk (nema Þrenjar) var leikið þá sagði Rumon Gamba, aðalhljómsveitarstjóri Sinfó, frá ýmsu í sambandi við verkið, spilaði bút og bút úr því hér og hvar til útskýringa og var almennt einstaklega skemmtilegur áður en hann svo stjórnaði verkinu öllu. Þrenjar er með þrem einleikurum og þá var Rumon of kurteis til að draga athygli að sér með því að segja frá verkinu; oh, ég hefði svo sannarlega viljað heyra um það líka ;)
Öll efnisskráin er hér og þið getið hlustað á tónleikana hérna (svona meðan þið skrifið ritgerðina eða tölvupóstinn eða ráfið um á síðum vefdagbóka...).

tónleikar

Hmm, ég þyrfti eiginlega að finna einhverja gaura eða grýlur eða atburði eða ... til að tilkynna um á u.þ.b. hverjum degi, svona eins og jólasveinana, til að ég pikki a.m.k. oggolítið oftar.

Ég fór annars á Myrkra-músíkdaga-tónleika í Langholtskirkju í gær (hafði náttúrlega ekkert efni á því tímalega séð...) og er á leiðinni á aðra myrka með Sinfó á morgun (þrátt fyrir heldur betur djúpan verkefnaskít - ekki byrjuð á þrem skilaverkefnum sem eiga að skilast á föstudaginn) og svo á unga einleikara með Sinfó á laugardaginn. Skyndilegt tónleikaáhlaup. Veit ekkert hvaðan þetta kom...

Brjálæðið í námi annarinnar er formlega hafið - nú er fyrsta fulla skilavikan (skil í öllum áföngum) og tilkynnt var í dag að verklegar æfingar hefjist í næstu viku. Gúlp.

sumarmyndir

Ég var algerlega andlaus um hvað ég gæti pikkað hérna svo ég setti upp síðu með myndum frá í sumar. Það tók að vísu heldur langan tíma að gera þetta alveg sjálf, en var líka þeim mun skemmtilegra... ;) Upplausn margra myndanna er of gróf, svo nú megið þið segja mér hvort ég eigi að skala frummyndirnar aftur og þá með meiri upplausn eða hvort ég eigi einfaldlega að hafa myndirnar í svolítið smærri ramma. Myndasíðan er hér!

E.s. Þið megið líka segja mér hvers vegna krækjuramminn utan um litlu myndirnar er bara blár í InternetExplorer en verður eins og ég "forritaði" (svartur/gulur) þegar síðan er skoðuð í MozillaFirefox (sem er besti vafrinn, ef þið vissuð það ekki... ;) ).

þróun

1. skólavika: Bíðum nú við, hvernig var þetta...? Ah! svona: tilraunir til skipulags, lítill svefn, strætó, ... Gott að vera komin aftur.
2. skólavika: Hjálp!!! Varla ein vika liðin og komin eftir á í öllum fögum; *skelfing*
3. skólavika: Æææji, skítt með það.....

Ætli þetta þróist svo ekki smátt og smátt í átt til brjálæðis, eins og venjulega ;P

netleit

Ég hef stundað mikla leit á netinu þessa helgi. Hef leitað logandi ljósi að áfangalýsingum í TUM (Tækniháskólanum í München). Þetta er einn stór óþolandi frumskógur. Hvers vegna getur þessi skóli ekki haft almenna kröfu um að a.m.k. stutt áfangalýsing fylgi með þeim áföngum sem birtast í kennslugagnagrunninum??? Ég hef þurft að "googla" og leita uppi heimasíður kennara og fara krókaleiðir og týna síðum aftur og berja höfðinu við vegginn og ... Kennsluskrá HÍ er tær snilld. Fólkið í TUM mætti sko taka sér hana til fyrirmyndar! Þetta er einhver mesta tímasuga sem ég hef lent í. Næsta námsvika geldur fyrir frumskógaleiðangur helgarinnar >þ



Fyrir utan það er allt ágætt að frétta, ekkert sérstaklega slæmt og ekkert sérstaklega gott. Mamma er á Kanarí með ömmu á Akureyri (mömmu mömmu) og Sollu systur hennar. Allir þrír eiginmennirnir guðslifandifegnir að hafa sloppið við að fara með ;D Ég er alvarlega að hugsa um að taka að mér hina vikulegu ryksugun heimilisins, þetta er alveg frábær líkamsrækt og ekki slæmt að hita sig vel upp á milli þess að kólna og stirðna yfir námsbókunum. Þetta er annars stórmerkilegt í ljósi þess að þegar við Bjarnheiður vorum litlar þá fór pabbi með okkur í heimsókn til afa og ömmu eða út að leika eða e-ð álíka meðan mamma ryksugaði, því við hreinlega þoldum ryksuguna og hljóðið í henni alls ekki; ég hef heldur aldrei verið þekkt fyrir að vera dugleg við að ryksuga eigið herbergi... :P

snjór

Það að moka snjó er einhver skemmtilegasta líkamsrækt sem ég þekki - ferskt loft, heilmikill tilgangur og gjarna nettar harðsperrur á óvenjulegum stöðum. Sundið hefur samt vinninginn til lengri tíma litið... ;)

bón

Mig langar til að biðja ykkur um þrennt.

1. Skrifa undir hérna:

2. Aldrei nokkurn tíma kaupa DV; a.m.k. meðan núverandi ritstjórnarstefna er í gildi.

[Skv. ábendingu Bjarnheiðar: ]
3. Aldrei nokkurn tíma kaupa auglýsingar í DV; með sama varnagla.

Takk.

heima

Komin heim eftir lúxusdvöl hjá afa og ömmu. Fór í sund á hverjum vinnudagsmorgni með ömmu, synti, gerði vatnsleikfimi með þeim gömlu ("fyrst á réttunni, svo á röngunni" í vatni með 7-9 konum á aldrinum 70-80 er æði, sérstaklega loka-"tjútjú"-ið) og sauð vel í heitasta pottinum. Nema á miðvikudagsmorgni; þá lék ég m.a. hákarl um alla gömlu laugina fyrir Fönn, 6 ára frænku mína ;) Annars liðu dagarnir í yndislegu tímaleysi.

Skíðafærið brást okkur Stiglunum, en ég gat þá verið með í hinum rosalega laugardagsgraut ömmu og afa. Þá koma Hallur frændi, Andrea konan hans og dæturnar Fönn (6) og Dögun (1) og fyrsta laugardag í mánuði (eins og núna) koma líka Hlynur frændi, Kristín konan hans og börnin Hugi (14), Lóa (7) og Una (2 mánaða). Grauturinn hjá ömmu er sko ekki bara hrísgrjónagrautur! Á borðum eru líka heil ósköp af áleggi og brauði og t.d. harðfiskur, steiktir sveppir, ... og svo náttúrlega kaffi og eftirréttur, sem í þetta sinn var pönnukökur og konfekt og líka ísstöng fyrir eldri krakkana. Úffpúff, ofát :P Eftir töluverða legu á meltunni, eina tapaða skák gegn Huga og skemmtilegt spjall fór ég svo í sund meðan afi og amma lögðu sig. Þá var skundað í jólaljósabíltúr með afa og ömmu og beint á Bautann til að hitta Stiglana. Svei mér þá, hið ótrúlega gerðist - ég var orðin svöng aftur ;) Svo var bara frábært að hitta Stiglana aftur og rifja upp vel steiktan einkahúmor :)

Einir skemmtilegustu atburðirnir fyrir norðan voru þegar ég fór í félagsvist með afa og ömmu og fékk setuverðlaunin (skammarverðlaun; ég sat 10 sinnum í röð á sama borði! hmm, óheppni í spilum, heppni í ástum, eh? - borgaði þannig fyrir mig með frímiðanum sem ég fékk í verðlaun) og svo þegar okkur var boðið í mat til Hlyns&fjölskyldu ásamt Halli&fjölskyldu þar sem spilað var púkk og Hugi reytti af sér fimmaurabrandarana. Ættingjar eru yndi, svona flestir a.m.k. ... ;)

Og nú er ég sem sé komin heim. Vaknaði óóóógurlega þreytt í morgun og skildi ekkert í því. Fékk skýringuna með flökurleika um hálftíma eftir að ég drattaðist á fætur. Ég að verða veik á fyrsta skóladegi? Fór samt í skólann í þessa einu kennslustund, en var komin með hroll í lok tímans. Hundskaðist svo heim seint og um síðir og hef ekkert gert nema slafra bláberjasúpu og sofa síðan þá. Djö**** mér líður eins og algerum aumingja >Þ Langar mest af öllu til að setjast niður og lesa/reikna í rafsegulfræði - spurning um að reyna? Held ég geri það bara og vonast til að/þykist vera að hressast ;P

norður

Ég er flogin norður yfir heiðar að hitta afa og ömmu og ættingjana, sjá hvernig Víking bruggar bjórinn sinn og renna mér á skíðum. Sjáumst, heyrumst, eitthvað... ;)

2006

Gleðilegt nýtt ár, öllsömul, og takk fyrir það gamla! :)