austanátt

Ég ákvað að reyna að hjóla í vinnuna þetta sumarið. Það hefur gengið ágætlega hingað til, tekur mig núna um hálftíma. Þar sem ég bý í vesturbæ og vinn við Grensásveginn, þ.e. lengst austur í bæ, þá er kröftug austlæg átt á morgnana ekki sérlega vinsæl. Þetta er nógu mikið púl fyrir, svona snemma morguns. Raunar er það smá sárabót þegar austanáttin eykst og eykst yfir daginn, eins og gerðist í dag, þannig að ég fæ að hjóla í hávaðaroki heim á leið án þess að finna til nokkurra óþæginda - svíf þetta bara :) En lognið eða andvarinn eru nú samt betri að mínu mati...